ایله می بختیاریم*بختیمین تختی یاریم*اوزونده گوُز یئری وار*سنه کیم باخدی یاریم.

11. آرخالیغی جوت یاخا*یاخاسینا گول تاخا* باش قویوم دیزین اوسته* جان وئریم باخا-باخا.

12. آرخالیغین یام-یاشیل*باخدیقجا گوُز قوماشیر*چولدن سسین گلنده* ائوده دیلیم دولاشیر.

13. آغ آلمانی سویارلار* آغ بشقابا قویارلار* چاغیرمامیش قوناغی* قاش –گوُزینن قووارلار.

14. آغ بوخاغین خالدی یار* دیل-دوداغین بالدی یار*سنده کی بو گوُزللیک، دنیایا سس سالدی یار.

15. آغاجدا خزله باخ. دیبینده گؤزله باخ. آیاق یالین باش آچیق.سرگردان گزنه باخ.

16. آغلایان باشدان آغلار* کیپریکدن قاش دان آغلار*قارداشی ئولن باجی* دورار اوباشدان آغلار.

17. آل کمری بئل باغلا*ساچلارینی تئل باغلا* نه یادا سیرینی وئر،نه نامرده بئل باغلا.

18. آلاچیغا گیرمه رم*ساچلاریمی هوُرمه رم*یار مندن کوستی گئدی* بیرده اوزون گوُرمه رم.

19. آی اوغلان بویی بسته* گل اوتور سینه م اوسته* سن مندن بوسه ایسته* من دئییم گوُزوم اوسته.

20. آی دلانیر باتماغا*یوخوم گلمیر یاتماغا* اللریم ئورگنیب دی، شئخ ممه اویناتماغا.

21. آیاغیندا دار شلوار*دردیم وار خالوار-خالوار*گئدیرسن یار یانینا* منیم دیلیمجه یالوار.

22. آیاغیندا دارشالوار. دردیم وار خالوار_خالوار. گئدیرسن یار یانینا . منیم دیلمجه یالوار

23. باشیمدا کلاهیم وار*سنین تک پناهیم وار*گوُز گوُردی گوُیول سئودی*منیم نه گناهیم وار.

24. باشیمدا کلاهیم وار. سنین تک پناهیم وار. گوزگوردی ،گونول سئودی. منیم نه گناهیم وار؟

25. باشین نه دن آغارمیش* ساچین دن-دن آغارمیش* سنه گون دیگیم داغ* سنه قار یاغارمیش.

26. باشیندا آغ شالی وار*یاشیلی وار آلی وار*جیران باخیشلی یارین*آغ بوخادا خالی وار.

27. باغا باخ بستانا باخ*دلیه باخ داستانا باخ* باخیشی ایله اود ووران* گوُزلری مستانا باخ.

28. باغلاریندا اوزوم وار*گئتمه دایان سوُزوم وار* گوُزلریندن قورخورام* قاشلاریندا گوُزوم وار.

29. باغلاریندا اُوزوم وار*گئتمه دایان سوُزوم وار*گوُزلریندن قورخورام* قاشلاریندا گوُز وم وار.

30. بو داغا یول سالایدیم*کاروانی یول سالایدیم*گونوم او گون الایدی*بوینووا قول سالایدیم.

31. بو نه ایشدیر نادان یار*قاش گوُزون اوینادان یار* صبریم یوخ دوُزوم یوخ*منه گلسین قادان یار.

32. بولاغین باشینا باخ*دیبینین داشینا باخ* من سئودیگیم گوُزلین* گوُزینه- قاشیناباخ.

33. بومئشه موشه دگیل*گولی بنفشه دگیل*ئوپنده لبلرین ئوپ،گوُز ئوپمک پئشه دگیل.

34. بیر گول وئردیم آلدی یار*بوینوما قول سالدی یار* دشمن یولومی کسدی*ائوده یالقیز قالدی یار.

35. پنجره دن باخان یار. تئلینه گول تاخان یار. سوزوئریب اوزدؤندریب. یاندیربان یاخان یار

36. پنجره دن قاش ائیلر*گوُزلریمی یاش ائیلر*آخر یارین جفاسی* اوُرگیمی داش ائیلر.

37. پنجره ده قوش منم*داش آتسالار دوشمه نم*یار منه قاش-گوُز ایله ر* من هئچ باشا دوشمه نم

38. پنچره دن باخان یار*تئلینه گول تاخان یار*سوُز وئریب اُوز دوندریب*یاندیربان یاخان یار.

39. ترمه شال دیزیم اوسته*ییخلدیم اوزوم اوسته*دئسه لر سئوگیم گلیر* موشتولوقی گوُزوم اوسته.

40. جانیم او باغا قوربان*گلن قوناغا قوربان*قاشا-گوزه حیرانام*بلوز بوخاغا قوربان.

41. چیخمارام اوزوم اوسته*اوینارام دیزیم اوسته* سن منه قوناق کلسه ن* ساخلارام گوزوم اوسته.

42. خبر وئرین ائلله ره، دوشسون هامی دیلله ره، اورمو گولو گوز دیكیب، مدد وئره ن ال له ره.

43. داغ اوسته بوز آغ اولماز*شوراندا دوز آغ اولماز*ایشلمیه ن آدامین* دیشی-باشی ساغ اولماز.

44. داغ باشیندا سارای وار*سارایدا نه هارای وار*قاشین گوزون تمثالی*نه اولدوز وار نه آی وار.

45. داغ باشیندا فانارام*سوز-صحبتی قانارام*بیرگون اوزون گوُرمه سم* الیشارام یارانارم.

46. داغ باشیندا یئل اسر*دوشر اوزه تئل اسر*دوغری سوُز تئز یئر سالار*قلینج دان  پیس کسر.

47. داغدا دومان یئری وار*قاشدا کمان یئری وار*بیر جوت نار ایتیر میشم*سنده گمان یئری وار.

48. داغلار آغ باشلی داغلار*گوُزلری یاشلی داغلار*یالواریرام دوز دئیین*سیزدن کیم آشدی داغلار.

49. داغلارین باشی قارا*دیبینین داشی قارا* بوردا بیر قیز گوُرمیشم* گوُزی شوخ ، قاشی قارا.

50. داغلارین باشی واردی*باشندا داشی واردی*بوردان ئوتن مارالین* عجب گوُز قاشی واردی.

51. دان یئلی سوکلن ده*زولف اوزه توُکولنده*شه دوشموش گوله بنزر*آغ ئوزوندن ئوپولنده.

52. درد آشار باشدان گئچر*کیپریکدن قاشدان گئچر* ذوغری سوِز دوغری کلام*دمیردن داشدان گئچر.

53. دریادا دریالیقلار* سودا اوینار بالیقلار*قوللارون سال بوینوما، دئییرلر آیریلیق وار.

54. دریادا فانارام من*اود توتوب یانارام من* قاش آلتدان گوُز ائله سن* عارفم قانارام من.

55. دوداقدا سوُز ایزی وار*کبابدا کوُز ایزی وار*اوزینه یادلار باخمیش* اُوزونده گوُز ایزی وار.

56. ریحانی اکدیم دوزه*پیترادی چیخدی دیزه* فلک بیر ایش ائله سن* یار اوز چئورسین بیزه.

57. زولفون قرارا یئتمز*دردین سینه مدن گئتمز*پیس گوندن قورتارماغا*آغلاماق چارا ائتمز.

58. ساچین اوجون هوُرمزلر*سنی منه وئرمزلر*قوی ئوپوم آغ اُوزندن*قارانلیقدی گوُرمزلر.

59. ساوالانیم بوز باغلار* دورد یانی یارپیز باغلار* قاشین-گوزون شاءنینه* عاشیق گلر سوُز باغلار.

60. سرریمی آشدی گوُزل*سوزوندن قاشدی گوُزل*دیل توکدیم گوُیول وئردیم*اوره یی داشدی گوزل.

61. سوراغ آلدیم یوز یئردن*اللی یئردن یور یئردن*قوللارین سال بوینوما*ایاقلارین ئوز یئردن.

62. سوره نی چایدا گوُردوم* الینده بایدا گوُردوم، بیر ئوپئیم بیر دیشله دیم*اوندان نه فایدا گوُردوم.

63. سوزی سوزدن آلان وار*زولفون اُوزه سالان وار*گئدیرسن تئز قایییت گل. گوُزی یولدا قالان وار.

64. سوگله ر داشار دولار*قار یاغار قاشا دولار*یار یاردان آیریلانا* گوُزلری یاشا دولار.

65. سونایام گول اوسته یم*بولبولم گول اوسته یم*گل بیر قول –بویون اولاق*گئدیرم یول اوسته یم.

66. سویوق ایستی چاغریر*دومان توستی چاغیریر*باش یاسدیقدا گوُز یولدا*دلیم دیل داش چاغیریر.

67. شیروانین بوجاغیندا*اود یانار اوجاغیندا* باشین قوی سینه م اُوسته* جان وئریم قوجاغیندا.

68. شیرین چایین قندییه م*زولفونون کمندییه م*دنیانی سئل آپارسا*گوزلرینین بندییه م.

69. طرلانین دوز قانادی*آچیلدی یوز قانادی*یئل اسیب زولف داغیلسا* آغ اوُزده اوُز قانادی.

70. ظالیم گؤزۆ اوْیمادێ . آنان سنده‌ن دوْیمادێ .آیاق دۆتوب گزمه‌گه‌. فله‌ك سنی قوْیمادێ

71. عاشقام گوزوم اغلار. گولمرم اوزوم آغلار درديمی كيمه دئييم. اغزيمدا سوزوم آغلار.

72. عاشیق اولوب یارا گوُز*طرلان تیکر سارا گوُز*عقلیم باشیمدان آلدی*منیم بیر جوت قارا گوُز.

73. عاشیق گلسین خان دورسون*خان اگله نسین خان دورسون*زولفونه قداغا وئر* بوخاغبندان یان دورسون.

74. عاشیق مینایه دگر* گونون مین آیه دگر* قاشین کیمی قاش اولماز* اُوزون مین آیه دگر.

75. عرقیچنین تپنده* اوزه گلاب سپنده* گوُیلوم مرادا یئته ر* آغ اوزوندن ئوپنده.

76. عریزیه م آلما یار* ائویده یالقیز قالما یار*ال منیم اتک سنین*منی گوُزدن سالما یار.

77. عزیزم بادام چالار* بار وئرمز بادام چالار* زولفونی قوی قوینونا* قاییدار آدام چالار.

78. عزیزنم یوزده  وار. اللی ده وار یوز ده وار. اؤپمه لی دابان گؤردوم. توپورمه لی اوز ده  وار

79. عزیزه یم آلما یار. ائوده یالقیز قالما یار. ال منیم اتک سنین.منی گؤزدن سالما یار

80. عزیزی یم اوزوم قارا.باغیمدا اوزوم قارا.یار یانینا گئدیره م.الیم بوش، اوزوم قارا.

81. عزیزی یه م دیل یارا* دوداق یارا، دیل یارا* اوتورایدیم اوز-اوزه* ئتییریدیم دیل یارا.

82. عزیزیم ایزلریندن*توتارام دیزلریندن*بیلسیدیم گئدگی سن* ئوپردیم گوُزلریندن.

83. عزیزیم آلا گوُزلر*کروانی مایا گوُزلر* یئل اسدی زولف آیریلدی*ساتاشدی ایا گوزلر.

84. عزیزیم باغادیوار*چکیلمیش باغا دیوار*گوُ زون باغ قاشین باغبان* گیپریگین باغا دیوار.

85. عزیزیم بیرده گوُروم*اوزونی بیرده گوُروم، گوُرموشم دویما میشام* آچ گوُزون بیرده گوُروم.

86. عزیزیم داشدان من*کیپریکدن من قاشدان من*نه آتام وار نه آنام*یارانمیشام داشدان من.

87. عزیزیم دامی دا وار*دام اوسته دامی دا وار*کیشیلیک آیری شئی دی*بوغ-ساققال هامی دا وار.

88. عزیزیم دولا زولفون*گردنه دولا زولفون* قورخورام بیردن ئولم* ئوزگیه قالا زولفون.

89. عزیزیم سازاق دگر*مه اسر سازاق دگر* قیامت اوگون قوپار*آغ اوزه دوداق دگر

90. عزیزیم سیننده*اووچی اوون سینندن*یازیغام آل قوینونا*بسله منی سیننده.

91. عزیزیم قاش اگمه رم*آغاجی یاش اگمه رم*اوزانیب جوان ئولسم*نامرده باش اگمه رم.

92. عزیزیم قاناد ایشلر*قوش اوچار قاناد ایشلر*اگیل ئوپوم اُزوندن*باسینلار قانا دیشلر.

93. عزیزیم کیمی گوُزلر*تارچالان سیمی گوُزلر* قاشین کیمی قاش اولماز*گوُزلرین کیمی گوُزلر.

94. عزیزیم گزن منم*هر جووره دوُزن منم* اوُزده شاد دیلده قملی*آوارا گزن منم.

95. عزیزیم گلستانا* شه دوشوب گلستانا* قورخورام گوُزیاشیمدان* قوینوندا گول ایسلانا.

96. عزیزیم گونده دارا* زولفونی گونده دارا* الیم سندن اُوزمه رم، چکسه لر گونده دارا.

97. عزیزیم ممقانا*تبریزدن ممقانا* باشیم کس سینن اُوسته،قوی باتسین ممه قانا.

98. عزیزیم هله وار*بولبول باغدا هله وار*الیم سندن اُوزولسه* گوُزوم سنده هله وار.

99. عزیزیم یامان قاشلار* وئرمه دی آمان قاشلار* صف چکن کیپریکلره*کولگه ئدر کمان قاشلار.

1. عزیزیم یولدا قالار* بیلزیک قولدا قالار* گئتسم یاریمین گوُزی* ئولونجه یولدا قالار.
2. عزیزیه م آلما یار. ائوده یالقیز قالما یار. ال منیم ، اتک سنین. منی گوزدن سالما یار
3. عزیزیه م آی آغا.سالما منی آیاغا. دوست باخسا باشا باخار. دشمن باخار آیاغا.
4. عزیزیه م بیر-بیرچک*سورمه گوتور بیر-بیرچک*ئولسم اوچ زاد قانیمدر*بیر قاش، بیرگوُز،بیر-بیر چک.
5. عزیزیه م بیزه گل*یاشیل گئیین بیزه گل*قاشین وسمه نی نیله ر*سورمه نی چک گوُزه گل.
6. عزیزیه م گوُزوم یار*الیم سندن اُوزوم یار* وعده وئردین گلمه دین. قوجاقلادیم دیزیم یار.
7. عزیزیه م، گوزوم یار. الیم سندن اوزوم یار. وعده وئردین گلمه دین. قوجاخلادیم دیزیم یار
8. عزیزیه یم ساج قالار* اوجاق سوُنر ساج قالار* اجین قارنی دویسادا* گوُزی آج قالار.
9. غریبم آغلارام من* سینه می داغلار من*یاردان آیری دوشه لی*باشا شال باغلارام من.
10. غریبم بو وطنده*گوُزوم یولدان ئوتنده* غربلیک یامان اولور* باش یاسدیغا یئننده.
11. فلک ووردی باشیما* قان آخیتدی قاشیما* یاریدوست،یاری دوشمان* ییغیلدیلار باشیما.
12. فلکین چرخی دوُنسون* سو گلسین آرخی دوُنسون* لبلریندن ئوپوش وئر*آغزیمین آغی دوُنسون.
13. قاپی دا دورما گوُزل* بوینونی بورما گوُزل*ساخلا مژگان اوخونی* سینمه وورما گوُزل.
14. قاپییا داش قویموشام*قاش اوسته قاش قویموشام*ئوللم سندن دونمه رم* یولوندا باش قویموشام.
15. قارا باغدا قوش دورماز* دردلی باشدا هوش دورماز* یاری هریئره گورسم*یانمیش دیلیم دیش دورماز.
16. قارا دغین باشینا*قربان اولوم قاشینا*قرمزی دُوشلوک اولوب* ساریلایدیم دوُشینه
17. قاشلارین آلدیرمیسان*گوُزلرین دولدورموسان*ائل بیلیر عالم بیلیر* سن منی یاندیرمیسان.
18. قوشوم قاچدی تولکدن*قولوم سیندی بیلکدن*منیم کی بئله گلدی*چرخی دوُنموش فلکدن.
19. قولاغ آسدیم سوُزه من* گلیب چیخدیم دوزه من*باغلامیشام گوُیلومی* خمار باخان گوُزه من.
20. قیزیل گولی اکمه رم*دریب یئره توُکمه رم* زولفون بوینوما دوشسه* شاه مار اولسا چکمه رم.
21. کباب یانار کؤزآغلار.دیل آلیشار سؤزآغلار.یاریاردان آیری دوشسه.اورک یانار گؤزآغلار
22. کروان یولا دوزولور*خمار گوُزلر سوزولور*نئجه من آغلاماییم* الیم سندن اوزولور.
23. کوُینگی یاشیل اوغلان* عجب یارشیر اوغلان*گوُزوم- گوُزونه دوشجک* دیلیم دولاشیر اوغلان.
24. کهلیک داشا دوشوبدی* گوُزوم یاشا دوشوبدی* یئدی اوشاق آناسی* ایندی باشا دوشوبدی.
25. گلیردیم سوزه سوزه* قیزیل گول اوزه اوزه* یا منه قاش گوُز آتدی*تئلرین دوزه دوزه.
26. گلیردیم یوللارینان*مین بیر خیارللارینان*گل بلیر قول-بویون اولاق*حمایل قوللارینان.
27. گلینه باخ گلینه*زولفون آلیب الینه* شیرین-شیرین دانیشیر* من قوربانام دیلینه.
28. گوز باخار قاشلاراوینار. ساچلاردا باشلار اوینار. گوز یاغیش یاغدیراندا. یاناقدا یاشلار اوینار
29. گوُزلرین خومار ایندی* یاش توُکر ، یومار ایندی ، توک زولفون سینن اوسته* گوُرنلر اومار ایندی
30. گوزوم قالدی او قاشدا. او کیپریکده او قاشدا. مجنون تک دلی کونلوم. گزیری داغدا داشدا
31. گول دوزوبدی تئله یار*اتک سانجیب بئله یار*گویلون آل نازین گوُتور* دوشمز اله بئله یار.
32. گولوم قونچه ده گول آچمادی . منیم بالام دیل آچمادی. آرزوم گونلوم ده قالدی. بالام ایاق توتوب  قاچمادی
33. گوُیده گوُیرچین آغلار*یوادا لاچین آغلار* سن یادیما دوشنده* باشیمدا ساچیم آغلار.
34. گوُیرچین هاوا دادی* اوشماییب یووا دادی*گوُزلریم یار یولونده* اللریم دعا دادی.
35. گؤزلرین خومار ایندی. یاش توکر یومار ایندی. توک زولفون سینن اوسته. گورن لر اومار ایندی
36. گیردیم باغا اوزومه*تیکان باتدی دیزیمه* اگیلدیم چیخاتماغا*یار گوُروندی گوُزومه.
37. گئتمه یاد ائلده نه وار*گردنده بئلده نه وار*نه وار آغ بوخاخدا وار8 ئوپملی تئلده نه وار.
38. گئده رم الینیزده* دوشمه رم دیلینیزدن*بیر یاشیل باش سونایام* اوچارام گولونوزدن.
39. من عاشیغام اوزونه*حیرانام قاش گوُزونه* سن مندن ال چکمزدین* باخدین اغیار سوسزونه.
40. من عاشیغام آی باغلار*آی باغچالار آی باغلار*قاشین-گوُزون تهرینهده* هانسی اوستا یای باغلار.
41. من عاشیغام آیینا*بندم قاشین یایینا* قورخورام کیپریک چالام* اوزوندن گوُز یایینا.
42. من عاشیغام هر آیلار* هر اولدوزلار هر آیلار* باشیم جلاد الینده* دیلیم سنی هارا یلار.
43. من عاشیق اگری داغلار*دوزداغلار اگری داغلار*گوُزون داغی دوز چکر*قاشلارین اگری داغلار.
44. من عاشیق ایشقلارا*زولفی دولاشیقلارا*الیمه بیر سازآللام* قوشولام عاشیقلارا.
45. من عاشیق آی جمالا*یار الدن ، آی جام الا!* گوُتور اُوزوندن ئورتویون، باخیم بیر آی جمالا.
46. من عاشیق باشی داغلار*آغاریب باشی داغلار* منه عشقه سالیبدر*یاریمین قاشی داغلار.
47. من عاشیق دیلی شیرین* بولبولون دیلی شیرین* بیر دانا سونا گوُردوم* دوداق بال دیلی شیرین.
48. من عاشیق سوُز یئری وار*اوزونده گوُز یئری وار*مجلسده یئرین تانی*هرکسین ئوز یئری وار.
49. من عاشیق نه شانه در* زولفون شانه-شانه در*آغ بوخاقدا او لکه* مندن بیر نشانه گئدر.
50. من عاشیق هرآیلار . هراولدوزلارهر آیلار. باشیم جلاد الینده . دیلیم سنی هاریلار.
51. من عاشیق ینه قالدیم*ئولمه دیم ینه قالدیم*ئوز آرزوما یتیشدیم، یار بوینونا قول سالدیم.
52. من عاشیق یوز گون آغلار*قاش–گوزی سوزگون آغلار*یاری الیندن گئدن* بیرگولسه ، یوزگون آغلار.
53. من ياري گؤردوم باياق. الينده ساري داراق. قاچديم توتا بيلمه‌ديم. سيناسان بئله آياق
54. من عاشيق گؤز يئري وار، اوزونده گؤز يئري وار. مجلسده مقام گؤزله، هر سؤزون اؤز يئري وار
55. منیم شیرین غزل بالام. دوداقلاری باللی بالام. آیاق دوتوب یول گیتمین. دیل آچمیان گوزل بالام
56. ناز بالیش باش آلتدا در* قارا گوُز قاش آلتدا در* ایسته رم دوروم گلیم*قوللاریم داش آلتدادیر.
57. هارای ناشی الیندن* آتماز داشی الیندن*یاسدیق شکایت ائدر*گوُزوم یاشی الیندن.
58. هر درده دوُزن منم*الیمی اوزن منم*گوُز یاشلی اوره ک داغلی*سرگردان گزن منم.
59. یاتمیشام یارالییام*وطندن آرالییام*باشیم آل دیزین اوسته*من دئیم هارالییام.
60. یار زولفون توُکوب اوزه*ساللانیر سوزه سوزه*گئجه گئچدی گلمه دی* امید قالدی گوندوزه.
61. یارگلدی بو دیارا* گوُیلومه ائتدی چارا*بیر گوُزل قیز سئومیشم*اوزی آغ،گوُزی قارا.
62. یاریم درددن آغلادی*سولار کیمی جاغلادی*آخیدیغی گوُز یاشی* ال-قولومی باغلادی.
63. یاشیلدی باشین اوردک*قلم دی قاشین اوردک*همیشه جوت گزردین* هانی یولداشین اوردک.
64. یاشیم اُزومدن گئدر* آخار گوُزومدن گئدر*چکمه یین یار آدینی*عقلیم ئوزمدن گئدر.
65. یاغیش توُکور چای داشیر*دیندیرمه دیلیم چاشیر*صاباح سفر گونی دی*قولون بوینوما آشیر.
66. یاناغین گوله بنزر*گوُز یاشیم سئله بنزر*سنو بوردان گئدلی* بورا بیر چوله بنزر.
67. الیمده وار باغلاما* من گئدیرم آغلاما* گئدیب گله بیلمه سم* نامرده بئل باغلاما.
68. الیمده یاییما باخ. گول اوزلی آییما باخ. چکدیگیم زحمتیمه. آلدیغیم پاییما باخ
69. الینده بایداسی وار*نه گوُزل قایداسی وار* اگیل ئوپوم اُوزوندن*جانیما فایداسی وار.
70. الینده ساز بری گل*یولوندان آز بری گل*کوُنلومون ایستکلیسی*دیلیمین ازبری گل.
71. الینده سازا یاننام* غمزه یه نازا یاننام*باش قویسام دیزون اوسته* قیش یاتسام یاز اویاننام.
72. الینده وار بول آچار*قیفیل آچیلدی ناچار* ایگیت آغزینی آچماز* برک آیاقدا قول آچار.
73. الینده وار شاماما* دور گل گئدک حاماما*دولانارام باشیما* گلین اولسان آنماما.
74. یول اوسته یولاق اوللام.*آخارام بولاق اوللام*سن منیم اؤز بالامسان* اؤزوم گؤز قولاق اوللام.

ملاحظات: کلمات مورد استفاده مشترک در بایاتی های هر عضوی مطرشده و سایر اشتراکی عبارتند از اشتراک کلمه های دیز (171-170-158-135-106-82-56-41-11) قوُیون (95-90-77)دابان(78)بوغ(87)قارین(107)جمع آوری و تدوین کرم زاده دیزجی